kavita prafullit thi,
tabhi dekha usne,isi baag se ek ladka
matmaila sa,tel se sana kesh,bolti aankhen,
ek seb chori kar raha tha,
kavita stabdh hui,yah kaun sa lok hai
matrivat pardareshu,pardravyashu loshtvat,iska kya maan tha
kya mar chuka adam ka samman tha?
ladke ko toka usne,use aisa karne se roka usne
kavita goodh thi,ladke ko shastra sab bataya usne,
ladka use wahin khada chood gaya
phir wapas aaya,uske haath mein "lash" thi
nahin,sambhale hue apmi maan ko uski bahupaas thi
wah sattar saal ki budhiya awak thi,
santript tha ladka,
kata kavita ka kaleja
usne ek baar apne shastra ko chhod diya
ladke ko badalkar samaj ko ek naya chor diya.

chaal madham,hanseen ka awshesh liye kavita chali
jawani dikhi use,usme waah kya sanchar tha
rashtranirmaan ka naya aasar tha.
chal raha tha maano gahan chintan mein tha
kavita ka saara dhyan uske abhinandan mein tha.
par,ek jagah jakar yavak khinn sa,uska ur chhin-bhinn sa
pocket se usne noton ka bandal nikala
paas baithe afsar ka wah tha niwaala
kavita maun rahi,vyapakta gaun rahi
kavita ne khud ko sanchhipt kiya
samaj ko ek manav abhishapt diya.

chaal mein thakan thi,
chehre par teesthtit hansi ab nadarad thi,
kavita chalti rahi,yahi bhao liye,
apne ko thoda vichhipt kiye.
ek aalishaan ghar mein ghusi
ab aa rahi thio use hansi
yahan ki vyavastha poornatya sanchalit thi
kavita ko apna uddeshya milta dikha
tabhi wahan se usne kisi ko nikalte dekha
ek vridh izzatdar vyakti sarikha
thodi der mein ek aur safedposh nikla
wah khush tha,usne apne baap ko vridhashram ke hawale kar diya.

kavit ne yaad kiya ramayan ko,
ram-rajya ko,aur shravan ko,
kavita ko apna ashtitva mitta sa dikha,
wah ulte paaon laut chali,
chali thi jahan se wahan wah vrihad thi,
usme ek poornta thi,ek vyapakta thi,
syahi mein hi uska ashtitva suhana tha,
aur,aaj wah vikrit ho laut chali,
aur lautkar usne kavi ko bhala-bura kaha
par,hai re khoff.use koi sunnewala na raha
kavi ne uski kriti se khoob yash kamaya
aur kisi bade aadmi ke yahan kavita sanane gaya
kavita wahan pahunchi,
use koi pehchan na saka
kavi ne use dekha,phir siharkar rah gaya.

rachna kalam se nikalkar kya khoob lag rahi thi
jaise koi navvihat jode mein saji thi,
pad,aaj ki uski kavita,
jadaa wahi tha,par taar-taar ho gaya tha.

ek ashtitvahin par antheen kavayad mein yadhrat.

ek din,kavi ne apni rachna se kaha
jaa mukt ho,sansar ghoom ke aa,
vyapak ban,apni kirti dekh.

kavita unmukt ho chali,umang ka nav sanchar liye;
kitne nadi naale,kitne gahwar usne paar kiye;
woh dhawal ho chali thi,are woh toh manchai thi
baag-baag phool raha,mehek rahi kali thi.

first

manu haan tu ek manu hai,
tu brahmand ka hi ek anu hai.
marasim ke bandishon ko tod,
manzil ke us paar to dekh.
par thehar,raastey mein ek manu aur bhi hai,
uske aansoo ponchh,uske dukh le baant;
teri advaita banne ki yahi to ghadi hai(do alag shakhsiyat,par ek si mazbooriyan)
phir chaunk mat,tu manzil ke aage hai,manzil tere peeche;
aur dwaita tere se kya takkar lenge,
teri kaynaat toh brahmand se bhi badi hai.

my posts will start now

kis kadar beqarar.